今朝時間已經唔係好夠，估唔到旺角站晏左都仲排長龍，迫住等３班車先上到，都唔緊要，仲要每個站要停３次先到喎，呢Ｄ咪越遲越見鬼囉又要做好電郵大作戰既準備，我相信阿大近日回覆電郵既數量會大增囉，ＩＴ方面陸陸續續向我地出手、而公司１８同１９樓既預備工夫都開始浮上水面、仲有就係農曆年將近既一Ｄ活動，加上其他大大小小既芝麻綠豆雞毛蒜皮既事，通通都要靠電郵喔，嘻～還好阿大星期三開始又放假囉，咁我起碼有一日可以執一執我Ｄ野，粗略估計，單單係我自己既野，都有３－４箱野，過年之後有過年之後既事要忙，但係星期三可以執左一部份先啦
夜晚同生日之星食飯，主要係想了解下佢響澳洲既生活啦，同埋佢介紹俾我既果幾款方式有咩不同之處，總而言之，無論可行定唔可行，知道左先都無壞丫，始終都仲有一段相當既時間，聽佢講，佢屋企人中左跌錢黨既圈套，似乎損失不菲喎，萬幸佢屋企並唔係倚靠果筆錢，否則都幾牙煙，其實高科技電子零件呢個術語，無十年都八載啦，點解仲會有人中招既呢，我都明白歷史係會重演，但都唔需要咁快丫，而且，我相信呢位事主仲係一個頭腦清晰既剛退休人仕添，無得解釋架喇，人性弱點一旦暴露，只能自求多福（亦難保遇著祈福黨）
返屋企經過樓下大排檔，忽爾聞到一陣陣香味，熟悉卻又想不起，當我望向那大排檔，竟令我閃過一陣暖意，並不是因為那廚房的熱氣，而是看著那個廚子、那個侍應、那種幹活，簡單而踏實，在大都市營營役役，日子久了，忘記了那種生活味道了嗎？沒有人能夠告訴你什麼是生活，只有從你自身感受，才會知道生活的味道；抱怨是一種，妥協是一種，反抗是一種，積極是一種，不要再問什麼才是好，什麼才是對，因為在提出問題之前，心裡，早就有答案了吧
![[Powered By MySQL]](/images/mysql-04.gif)
Copyright Notice: All entries are copyright (and the responsibility of) their respective authors.
